Bakı şəhərində ilk olaraq Nərimanov rayonunda «Coca-Cola Məktəbli kuboku» keçirilmişdir
Nərimanov Rayon Gənclər və İdman İdarəsinin və AFFA-nın təşkilatçılığı ilə Nərimanov rayonundakı orta məktəblərinin VII sinif şagirdləri arasında təşkil olunmuş «Coca-Cola Məktəbli kuboku» keçirilmişdir.
Yarışda rayon ərazisində yerləşən 22 orta ümumtəhsil müəssisəsinin komandaları mübarizə aparmışdır. Finalda 177 saylı orta məktəbin komandası 34 saylı orta məktəbin komandasını məğlub edərək birinci yeri qazanmışdır.
Mükafatlandırma mərasimində Nərimanov Rayon Gənclər və İdman İdarəsinin rəisi Nəcəf Novruzov və AFFA-nın layihə koordinatoru Rza Hüseynov çıxış edərək qalibləri təbrik etmiş, Respublika yarışlarına vəsiqə qazanmış Nərimanov rayon komandasına uğurlar arzulamışlar.
Qalib gəlmiş komandalarının üzvləri təşkilatçılar tərəfindən müvafiq dərəcəli diplomlarla və xatirə hədiyyələri ilə təltif olunmuşlar.
