Nərimanov Rayon İcra Hakimiyyəti başçısının 2 nömrəli Sahə İnzibati Ərazi Dairəsi üzrə nümayəndəliyinin hesabat yığıncağı keçirilib.

19 yanvar 2018 | 16:00

19 yanvar 2018-ci il tarixində Nərimanov Rayon İcra Hakimiyyəti başçısının 2 nömrəli Sahə İnzibati Ərazi Dairəsi üzrə nümayəndəliyinin fəaliyyəti haqqında hesabat yığıncağı keçirilib.
Yığıncaqda Nərimanov Rayon İcra Hakimiyyəti başçısının 2 nömrəli Sahə İnzibati Ərazi Dairəsi üzrə nümayəndəliyinin rəhbərliyi, əməkdaşları və sakinlər iştirak etmişlər.
Paytaxtımızın sürətlə inkişaf edən rayonlarından olan Nərimanov rayonunun 4,9 km2-dən ibarət olan 2 nömrəli sahə inzibati ərazisi dairəsində hal-hazırda 70474 nəfər əhali yaşayır və yaşayış evləri, çoxmənzilli yaşayış binalarındakı mənzillər üzrə ev təsərrüfatlarının sayı 18272-dir.
Nümayəndəlikdə sənədləşdirmə və karküzarlıq işləri “Azərbaycan Respublikasının rayon, şəhər və şəhərlərdə rayon İcra Hakimiyyəti başçıları aparatlarında sənədlərlə iş barədə” təlimata uyğun olaraq aparılır. Nümayəndəlikdə vətəndaşların qəbulu müəyyən olunmuş qrafik əsasında keçirilir. 2017-ci ildə nümayəndəliyə RİHB aparatından 6 məktub, 6 sərəncam, 6 əmr, idarə və müəssisələrdən 9 məktub, vətəndaşlar tərəfindən 96 şifahi müraciət və Qaynar Xəttdən 57 zəng daxil olmuşdur. Daxil olan ərizə, şikayət və məktubların icrasına ciddi nəzarət olunmuş və rayon İcra Hakimiyyəti Başçısının sərəncam və əmrləri vaxtlı vaxtında icra edilmişdir.
Azərbaycan Respublikasının Prezidenti cənab İlham Əliyevin həyata keçirdiyi geniş və coxsahəli siyasi kursun yerlərdə təbliği ilə bağlı məqsədyönlü ictimai siyasi tədbirlər həyata keçirilmişdir. Belə ki, Azərbaycan Respublikasının Prezidenti cənab İlham Əliyevin məruzə və nitqlərində ölkənin ictimai siyasi həyatında baş verən hadisələrlə bağlı, fikirlərinin operativ qaydada əhaliyə çatdırılması ilə əlaqədar rayonun idarə və müəssisə rəhbərləri, ziyalı və ağsaqqallarından ibarət təbliğat qrupu ərazinin müxtəlif idarə, müəssisə və təşkilatlarında, əhalinin mədəni kütləvi tədbirlər otağında sakinlərin iştirakı ilə Nərimanov rayon İcra Hakimiyyəti Başçısının müvafiq sərəncamı ilə təsdiq olunmuş qrafikə uyğun olaraq görüşlər keçirilmişdir. Keçirilmiş 19 görüşdə 1736 nəfər iştirak etmişdir.
Ötən ildə nümayəndəliyin ərazisində rayon İcra Hakimiyyəti Başçısının 11 səyyar görüş və qəbulları keçirilmişdir. Keçirilmiş səyyar görüş və qəbullar zamanı 1117 nəfər iştirak etmiş və 108 müraciət olmuşdur.
Daha sonra yığıncaqda çıxış edən sakinlər hesabatla bağlı təklif və fikirlərini bildirmiş, müzakirələr aparılmışdır.

Keçidlər