Azərbaycan Respublikası

Bakı şəhər Nərimanov Rayon İcra Hakimiyyəti başçısının

SƏRƏNCAMI

№ 276                                                                                                   01 dekabr  2023-cü il

Nərimanov Rayon İcra Hakimiyyəti yanında

İctimai Şuraya seçkinin təşkili məqsədi ilə

Komissiyanın yaradılması haqqında

“İctimai iştirakçılıq haqqında Azərbaycan Respublikası Qanunu”nun 6.1-ci maddəsini, Azərbaycan Respublikası Nazirlər Kabinetinin 30 may 2014-cü il tarixli 171 nömrəli Qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”nin 2.3-cü və “Yerli icra hakimiyyətləri haqqında” Əsasnamənin 6.8-ci bəndlərini rəhbər tutaraq qərara alıram:

1. Nərimanov Rayon İcra Hakimiyyəti (RİH) yanında İctimai Şuraya seçkinin təşkili məqsədi ilə 9 nəfərdən ibarət seçki komissiyası yaradılsın.

2. Seçki komissiyasının tərkibi RİH əməkdaşlarından 4 üzv və vətəndaş cəmiyyəti institutu nümayəndələrindən 5 üzv olmaqla aşağıdakı kimi təsdiq edilsin:

Komissiyanın sədri:

İradə Muradova            RİH başçısının müavini

Komissiyanın üzvləri:

Rəşad İmanov       RİH başçısı Aparatının İctimai-siyasi və humanitar məsələlər şöbəsinin müdiri

Elçin Quliyev            RİH başçısı Aparatının Ərazi idarəetmə və yerli özünüidarəetmə orqanları ilə iş şöbəsinin müdiri

Əli Həsənov              RİH başçısı Aparatının Sənədlərlə və vətəndaşların müraciətləri ilə iş şöbəsinin müdiri

Qurban Osmanov       “Azərbaycan Vətən Müharibəsi Veteranları” İctimai Birliyinin Nərimanov  rayon şöbəsinin sədri

Müxəstə Həsənova       “20 Yanvar Şəhid ailələri” Cəmiyyətinin Nərimanov rayon nümayəndəliyinin sədri

Gülşən Behbudova           “Milli Dəyərlər üzrə Maarifləndirmə” İctimai Birliyinin sədri

Kamal Əliyev           “Çernobıl Əlilləri İttifaqı” İctimai Birliyinin Nərimanov rayon filialının sədr əvəzi

Esmira Sadıxova            “Qızıl Aypara” Cəmiyyətinin Nərimanov rayon komitəsinin sədri

3. Seçki komissiyasına tapşırılsın:

3.1. RİH-in rəsmi internet səhifəsində İctimai Şuraya seçkilərin təşkili ilə əlaqədar olaraq namizədlərin irəli sürülməsi, qeydiyyatının başlanması və başa çatması vaxtını elan etsin;

3.2. "İctimai şuranın vətəndaş cəmiyyəti institutları tərəfindən seçilməsinə dair Əsasnamə"nin  2.9-cu maddəsinə uyğun olaraq RİH yanında İctimai Şuraya namizədlərin irəli sürülməsi və qeydiyyatı 21 gün müddətinə başa çatdırılsın.

4. Sərəncamın sürətlərini aidiyyəti üzrə çatdırılması RİH başçısı Aparatının Sənədlərlə və vətəndaşların müraciətləri ilə iş şöbəsinə tapşırılsın.

Nərimanov Rayon

İcra Hakimiyyətinin başçısı                                                                   Elgin Həbibullayev